چين کے ساحل پر کارگو جہاز ڈوبنے سے عملے کے 8 ارکان ہلاک

مہر خبررساں ایجنسی نے شینہوا کے حوالے سے نقل کیا ہے کہ جنوب مشرقي چين کے ساحل پر کارگو جہاز ڈوبنے کے نتيجے ميں عملے کے 8 ارکان ہلاک ہوگئے ہیں. چيني ذرائع ابلاغ کے مطابق ميري ٹائم ريسکيو سينٹر کے ايک ترجمان کا کہنا ہے کہ گزشتہ روز صوبہ فوجيان کے ساحلي علاقے ميں ايک کارگو جہاز سمندر ميں ڈوب گيا . اس جہاز پر پانچ ہزار ٹن سامان لدا ہوا تھا اور اس پر عملے کے 11 ارکان سوار تھے. ترجمان کے مطابق واقعہ ميں عملے کے 8 ارکان ہلاک ہوگئے جبکہ ايک کو بچا ليا گيا. دو افراد بدستور لاپتہ ہيں جن کي تلاش کيلئے کارروائي جاري ہے۔